今晚係太嫲生日宴，五、六點要同酒樓，雖然有表哥表姐好多小朋友一齊，Ambrose應該不愁寂寞，不過成晚流流長係咁玩，又怕Ambrose玩得太顛，所以一d靜態少少嘅活動一定要有。媽咪攞左木顏色同紙去食飯，原以為Ambrose會掛住同人玩唔會坐定定畫畫、油顏色，點知佢又真係可以好定咁畫畫、油顏色，其他小朋友問媽咪攞哂紙同筆，都係畫左幾筆就走左去，油顏色更加係攞左霸住唔油又走左去玩，完全無油過！但Ambrose依然係玩一陣，又去畫畫，畫完一幅又走去玩，對完爹爹媽咪黎講，Ambrose畫畫時就係歡樂時間，因為可以完全唔使理佢，好輕鬆，唔使好似看牛咁，哈哈！
今次攞左Crayola嘅twistable木顏色出去俾Ambrose畫畫，發覺佢都係會太大力油，有好多次，木顏色嘅芯都斷左，好彩係twistable，斷左都可擰番出黎繼續油，唔使帶鉛筆刨，方便又乾淨好多！不過，咁斷法都證明Ambrose未識就力，下次都係帶番crayons無咁浪費呀！
沒有留言:
張貼留言