又係放工返到屋企後發現Ambrose畫左幅咁靚嘅畫！平時佢畫畫好少連個背景都油滿顏色，除左畫班畫畫至會，响屋企係未見過嘅！可能因為畫班用水彩油背景，其實易好多，而家中只係得crayons，要油滿背景都幾花時間同力氣，哈哈！所以見到呢幅畫，又係一陣感動！
Ambrose話一間係自己的家，一間係爺爺嫲嫲的家，聽到都覺得心甜啦！頂果d係雲，彩色嘅，都幾靚！側邊兩條橙色嘅物體，Ambrose話係窗簾布，佢話係望出去就見到兩間屋，而兩間屋係响草地上喎！真係萬萬諗唔到Ambrose點解有咁嘅構思，又或者應該話，諗唔到Ambrose點解可以構思到d咁嘅野（家中都無整窗簾布）！
媽咪話：我都想自己間屋係尖頂同埋响草地上呀！
沒有留言:
張貼留言