其實Ambrose真係成日都畫車，唔係車就係人仔，而且幾乎無咩野做就坐埋自己檯仔度就畫畫畫，有時媽咪都唔記錄得咁多！但今次呢架巴士，一定要記住！因為呢架巴士嘅車身，係Ambrose自己攞間尺畫出黎，媽咪見到佢咁做時真係超級surprised！唔知Ambrose係幾時識得用間尺畫畫，哈哈！爹爹話某次同佢做功課要聯線，就同佢用間尺聯過，媽咪諗起，之前同佢做workbook嘅聯線，因為太長，都有同佢用間尺做，唔知係咪因為咁，佢知道間尺嘅作用。估唔到佢可以自己應用响畫畫上，點可以唔記錄低呢？
呢架巴士，Ambrose畫得好仔細，車嘅座位、車窗間隔、人仔、軑盤、巴士號碼等，爹爹見到咁靚，再教埋佢畫扶手、緊急用搥仔、撳鐘、不淮飲食標誌，真係幾似，哈哈！
不過同Ambrose講巴士號碼應該打橫寫，同埋個＂3＂字掉轉左，佢死都話自己寫得啱，無問題，咁就算啦，佢覺得ok就得啦！
沒有留言:
張貼留言