原來，對上一次响當當網訂書，已經係上年六月嘅事了！媽咪曾經有段時間好沉迷買workbook俾Ambrose，但發覺，隨住Ambrose返k1之後，再加上無數咁多嘅興趣班，原來，真係無咩時間同精神攞workbook同 Ambrose做（雖然Ambrose其實係好鍾意做功課），以致家中存貨太多，有d可能已經啱做但又未做，真係會浪費！所以，好長一段時間，媽咪已經無再買workbook俾Ambrose！
今次無啦啦上當當網搵書，其實都係因為之前同同學仔媽咪講起，原來佢地已經識加數，由於Ambrose嘅興趣班密到已經加無可加，真係無咁多時間上堂，亦無咁多資源樣樣都要兼顧到俾錢人教，所以媽咪決定數學都係試吓自己教，做吓workbook先，上到k2再作打算啦！可能媽咪無咩時間周圍去搵書，見市面教加數嘅workbook其實都好少咁，最主要好多一黎已經係橫式加數，媽咪想搵d係有圖嘅加數，即係可能三粒糖再加兩粒糖等於幾多粒糖呢種形式，有圖學加數似乎比較容易理解，亦應該容易教d！
加法workbook係主打，媽咪搵左幾本俾Ambrose，其中一本仲要係英文嘅，真係喜出望外！搵書時見到好多數學workbook、IQ、左右腦潛能發展嘅workbook，又買左d，不過，媽咪都知有時買左返去都未必成日有時間同Ambrose做，都係揀for三至五歲穩陣d！
另外，想幫Ambrose買嘅係迷宮書！之前當當網訂左本走迷宮，做完覺得唔錯，亦可以訓練Ambrose對眼，程度都ok，但做完果本之後就無喇，市面果d又唔啱心水，但如果為左買幾本迷宮書上當當網訂，運費又唔夠數，所以放棄左一直都無再買。趁今次買開書，媽咪即刻買左幾本！
較早前攞左本Melissa and Dough嘅填色冊俾Ambrose油顏色，但本填色冊都幾大本（差不多A3咁大），大本即係公仔大，要油好一隻公仔真係要狂掃，所以Ambrose油一幅都好攰，而且有時會好求其咁油，只係務求好快油起。其實同Ambrose油過咁多本填色冊，都開始知道如果真係填色，其實大本或太大公仔要油好耐至油得完嘅真係唔啱佢，只要公仔線條唔係太複雜，其實一本正常A4 size嘅填色冊真係剛剛好，唔使花太耐時間完成，滿足感都大d！所以今次訂書，都買左幾本之前買過嘅系列其他款式填色冊俾Ambrose油顏色。見到有d教畫簡筆畫嘅書，又買左兩本，哈哈，等Ambrose可以學吓點畫公仔都好麻！
最後，見到有本Thomas嘅貼紙書，諗起浠浠咁鍾意Thomas，平平地買左一本諗住送俾佢，嘻嘻！呢堆書共有二十三本，買左四百幾蚊，圍番都只係$20一本！都算幾抵！仲有就係，星期六至落單，星期二就送到，真係超快呀！
另外，想幫Ambrose買嘅係迷宮書！之前當當網訂左本走迷宮，做完覺得唔錯，亦可以訓練Ambrose對眼，程度都ok，但做完果本之後就無喇，市面果d又唔啱心水，但如果為左買幾本迷宮書上當當網訂，運費又唔夠數，所以放棄左一直都無再買。趁今次買開書，媽咪即刻買左幾本！
較早前攞左本Melissa and Dough嘅填色冊俾Ambrose油顏色，但本填色冊都幾大本（差不多A3咁大），大本即係公仔大，要油好一隻公仔真係要狂掃，所以Ambrose油一幅都好攰，而且有時會好求其咁油，只係務求好快油起。其實同Ambrose油過咁多本填色冊，都開始知道如果真係填色，其實大本或太大公仔要油好耐至油得完嘅真係唔啱佢，只要公仔線條唔係太複雜，其實一本正常A4 size嘅填色冊真係剛剛好，唔使花太耐時間完成，滿足感都大d！所以今次訂書，都買左幾本之前買過嘅系列其他款式填色冊俾Ambrose油顏色。見到有d教畫簡筆畫嘅書，又買左兩本，哈哈，等Ambrose可以學吓點畫公仔都好麻！
最後，見到有本Thomas嘅貼紙書，諗起浠浠咁鍾意Thomas，平平地買左一本諗住送俾佢，嘻嘻！呢堆書共有二十三本，買左四百幾蚊，圍番都只係$20一本！都算幾抵！仲有就係，星期六至落單，星期二就送到，真係超快呀！
沒有留言:
張貼留言