星星老師@第十四堂(4y1m)

今堂整黏土，其實都唔算難整，都係有個人仔嘅框架，包番d黏土上去就係！老師今日又同爹爹講，Ambrose好有自己主見，而且唔使人理佢幫佢喎！好似今日老師話個人仔點整點整，Ambrose都有講佢想點整，佢仲話想整美國隊長帽，帽上仲要有個A字喎！

仲以為Ambrose自己寫自己個名，响塊咁細嘅板上寫到咁工整真係令人匪夷所思！問佢係咪自己寫時，佢話唔係，係老師幫佢寫架喎！再問佢點解唔自己寫嘅？佢話佢唔記得左點串自己個名喎！怪唔知得今日放工返黎，就見佢自己坐在檯仔邊，自己練習背寫自己個英文名啦，肯定今日個個同學仔都自己寫自己個名，得佢唔識串自己個名，好大挫敗之下，返到屋企就自我練習一番啦！