自從Ambrose識得打電話之後，好多時佢都會問嫲嫲攞電話打俾爹爹媽咪，事關嫲嫲仲用緊舊式電話，無touch
screen，對於Ambrose黎講，一粒粒制確切地撳到係較易嘅！今日佢上左校巴無啦啦嘔，於是又要勞煩嫲嫲去學校湊佢走！
閒來無事响屋企無咩野做，一個下午就收到Ambrose電話兩、三次！每次一收到佢電話，把聲就要變到好卡通咁，自己都覺得好搞笑！
其中一次，佢話俾媽咪聽，佢畫左一幅好靚嘅畫送俾媽咪。收工返到屋企，就見到呢幅畫喇，佢話係爹爹、媽咪、嫲嫲同佢自己喎！問佢點解佢咁細粒又無手手，佢話佢唔記得左喎！哈哈！再問佢點解有條線圍住d人嘅，佢話，係呀，係巴斯光年個罩喎，嘩哈哈！最搞笑係，佢話黃色衫個人係爹爹，然後，媽咪就問點解爹爹一隻眼有眼睫毛，一隻眼無嘅，佢話覺得咁樣係靚d，計媽咪話十成十係佢唔記得左囉！
幅畫其實無咩特別，又係佢成日畫嘅人仔，不過最靚係幾個人嘅衫都唔同顏色，上面仲有唔同pattern添，都未見過佢咁畫法，今次都係第一次咋！
家希以前係婆婆都，每日都自己拎電話打比我，有時多野做得濟都唔想同佢傾
回覆刪除好奇怪,明明你有幾個留言,但我收email alert得一個......
刪除哈哈....係呀...有時忙緊,佢打電話黎又要好有耐性同佢講野,又要扮細個聲.....响公司都有d尷尬架....