K2學校手工 – 魚 (4y1m)

無留意Ambrose呢個學校手工幾時派返回來，只係突然有日發現佢掛左响個櫃上面，哈哈！平時都好少記錄Ambrose在校做的手工，不過呢條手工魚，一見到時就覺得一定要記錄下來！並唔係因為Ambrose整得特別靚，而係媽咪一見到條魚嘅時候，見到佢身上嘅魚鱗貼得好工整，好感動呀！感動在於媽咪記得响Ambrose好細個時，有一次在家同佢做紙碟魚，當時係媽咪整一隻，Ambrose整一隻，只係痴番d魚鱗上去，Ambrose有版跟住貼，媽咪從旁不斷指點，佢都貼到亂哂！而今，呢條魚竟然油得都幾靚，魚鱗工整排列貼在魚身上，真係好大對比呀！


摷番之前嘅blog文，果一次整紙碟魚，原來係佢兩歲一個月嘅時候。原來話咁快就兩年喇，Ambrose真係進步了不少呢！

紙碟魚@2y1m