Lego Chima 70001(4y1m)

上Brick Shop網時已經見到Chima系列全線有七五折，之前Ambrose叫爹爹買嘅獅子城都有折，由千幾減至一千都唔使 ，真係好吸引呀！不過媽咪總係覺得獅子城砌完出黎真係得個擺字，玩唔到，而且最近已經買左好多盒Lego喇，再買盒成千蚊嘅真係大出血了！

本來，又想退而求其次買呢個系列嘅鱷魚船，隻船之前反斗城做過display，果時Ambrose已覺好型，成日哄埋去睇到唔願走！仲有就係上次表哥生日原本佢睇leaflet係揀左呢隻鱷魚船，但媽咪出到去買就無貨而買唔到！所以呢隻鱷魚船又係呢兩表兄弟嘅favorite！但好可惜，成個特價list入面，偏偏就無呢隻船囉！

 

明知有七五折，又係Ambrose鍾意嘅系列，點都要買番盒俾佢，哈哈！呢盒Chima 70001反斗城賣緊$159，媽咪其實都覺得幾抵，因為係車，砌完可以攞上手玩，而且只係百幾蚊就有架咁有特色嘅車，本來都諗住等有時Ambrose乖，行反斗城時會買俾佢嘅，而家有七五折，折左只係$119，唔等佢啦，買左返去收埋先，嘻嘻！