Gigo Connect a Cube (4y1m)

買左盒Gigo Connect a Cube好耐，之前Ambrose細，發現cube都幾實下，佢要好大力至砌到，所以曾經收埋過。及後因為搬左屋，好多玩具都擺返哂入佢房，佢會耐唔時摷d開左又唔係成日玩嘅玩具出黎自己玩。唔知係咪男仔都鍾意砌野，Ambrose已經成日砌Lego，估唔到佢摷到盒Gigo Connect a Cube之後，成日都攞出黎玩！本來呢套教具係用黎教數學，不過媽咪都無理，見佢自己摷左出黎當Lego咁砌，一直都無理佢！有時佢會攞黎砌字母，好多時，佢係會攞黎砌槍槍劍劍玩一餐，呢隻cube用黎砌槍劍比Lego好，就係因為佢比較實，砌完d槍劍揸上手玩都無Lego咁易散，哈哈！

呢盒cube一直玩左好耐，耐到媽咪已經忘記了當初買佢返黎係教具，而家已經變成不折不扣嘅玩具！

 

今晚同Ambrose做開數學功課，有一頁正好係講一串cube加埋係7，咁ｘ加3先至會同串cube一樣係7？其實如果講，可能應該教佢將3調過去比7減，咁咪知ｘ係幾多囉，不過佢都未學減數，哈哈！媽咪靈機一觸，諗起平時玩嘅cubes可以攞黎一用，解釋俾Ambrose知！

 

用完cubes教Ambrose，突然又俾媽咪諗起之前買左塊Gigo Cube Activity Board，摷左好耐先至摷到出黎俾Ambrose試玩！講解左一陣數理俾Ambrose聽，睇佢似明非明咁，可能媽咪都係唔多識教，哈哈！都係由得佢發揮點去玩！最後，佢將所有cubes都砌上board上面。但媽咪發覺，原本盒cubes應有100粒，塊baord都係100個洞，有人玩到cubes唔見左幾粒，唔係砌落塊board到，都唔知cubes原來唔齊，哈哈哈！