收左工入到去其實都要七點，要就番回程巴士時間，最多都只可行到八點三，真係好趕！本來响大街應該有齊想要嘅野，無謂行咁入去買，但約左朋友刻鎖匙扣，所以都有入到Winnie the Pooh果度！好可惜，入到去時，刻名服務已經暫停，等媽咪仲揀左一輪野打算俾錢時至發現，浪費左d時間！無得刻名，媽咪即趕入Toy Story Land，諗住睇吓有無Iron Man產品，又係好可惜，可能媽咪去得少，其實無咩concept咩野產品會放响邊度，結果入到去Toy Story Land係無Iron Man嘅，原本仲諗住或者會有麥坤Lego，都一樣係無嘅！最慘係行到去咁入，諗住無就即走，點知回頭路已封，一定要向灰熊谷進發，兜番出去大街，又浪費左d時間！
原本應該去巴斯光年果邊會合朋友，但媽咪見時間不多，去埋果邊如果都未見到浴袍至走番去大街買，時間真係超趕，所以最後都係直出大街，target –oriented！大街嘅店舖，真係好多人，相信好多人都係純粹入黎購物，哈哈！行左幾間店都未見到浴袍，心急嘅媽咪已經即時問店員在哪裡？店員好好人咁帶領媽咪穿插人群去浴袍架度，實在太helpful喇！讚！
浴袍size唔多，幾經辛苦摷到一件俾Ambrose，再幫埋兩個表姐買公主浴袍，總算大功告成！再去睇埋媽咪鍾意嘅鐡罐，其實只係走馬看花，無太多時間睇得仔細，甚至都未行哂幾間shop，見到排隊俾錢嘅人龍都唔短，媽咪都係急急腳排隊俾錢走人！
今日買左嘅有Mickey Mouse浴袍、Spiderman拖鞋、兩個鐡罐食物（其中一個係車仔造型有手抽，幾得意）、雷神槌，仲以優惠價加左張Mickey and Minnie珊瑚絨被，總算不枉此行！哈哈！
沒有留言:
張貼留言