初試 Sudoku (4y2m)

今晚攞左盒My First Code Sudoku出黎同Ambrose試玩。

Ambrose初試Sudoku，媽咪解釋左俾佢聽點玩，就由4X4格難度開始玩起，估唔到佢都應付到，不過當格仔嘅圖案減少左，佢就唔多識得利用其他行數去make reference推斷咩公仔，開始混亂起來，俾媽咪教多兩教，佢就無咩心機受教，走去將d棋密鋪平面！

 

盒Sudoku質素一般，本以為公仔棋係印上去的，但原來打開後係有一包白棋，公仔係貼紙，要自行貼上去的。不過，都有個好處，就係如果自己有心機整，其實係可以自製問題紙同棋，因應小朋友進度同喜好去玩Sudoku囉！另外，問題紙要攝在架上再落膠片固定，本來係幾好，但塊膠片係有幾粒的突出，再攝入洞內那種，攝時當然無問題，但要拆番出黎換問題紙，就有點困難，太格硬抆出黎又怕膠片脆，好易整爛果幾粒的，太細力又抆唔到出黎，而且問題紙攝左入去玩一陣又要換過第二張，係咁整塊膠片都唔係辦法，最後索性唔用個底架，只係就係放在檯上加膠片玩就算！

 

睇黎，暫時Ambrose都只可以玩好初階，仲要係，見好就收！