有一段日子無去圖書館借書喇，因為媽咪發覺成日借左都唔記得／唔順路去還，結果一係未有時間睇就要還，一係就係咁罸錢。加上Ambrose好多時都係睇學校果幾本書，睇極都唔嫌咁，又加上屋企都重有好多書未開始睇，所以都無特登去圖書館借喇，只係偶然同Ambrose入去睇完即走就算！
今日送左Ambrose去學畫畫，表姐話想去圖書館，所以入左去睇有咩書好睇。最後借左呢兩本書俾Ambrose，恐龍果本其實都幾得意，相信Ambrose會鍾意。Deep Blue Sea果本，介紹海中動物，其實都無咩特別，媽咪覺得繪圖靚，所以順便借埋！
唔知點解，今次去圖書館借書，總覺得d書好大陣嘔吐味，好臭，尤其係英文書！唔止一、兩本係咁，媽咪攞左好幾本出黎都係咁！係媽咪有潔癖定係d書真係臭臭地呢？
沒有留言:
張貼留言