晨早就諗住同Ambrose去睇Thomas Show，好可惜，等到朋友覆實一齊去，再走去買飛時至發覺平飛已經賣得九九十十！原本一直同Ambrose睇Show都係兩母子加Ellen母子組合出動，今次因為無飛嘅關係，飛甩左Ellen母子之餘，重要得兩張最後一行嘅飛，真係經典！其實都有諗過退而求其次買貴一級嘅飛，不過以之前嘅經驗，Ambrose心情飄忽，唔知佢係咪真係肯入場坐定睇，所以唔敢搏買貴飛，等Ambrose再大d識多d時至買啦！
今次因為媽咪想行Mega Box，所以入場同Ambrose睇Thomas Show嘅任務落左响爹爹身上，哈哈！反正次次都係媽咪同Ambrose入場架啦，今次咪當俾爹爹見識吓囉！
不過媽咪就大意左少少，成日以為個Show只係一個鐘頭鬆d，結果誤導左爹爹，佢地成兩個鐘至出到黎！第一時間問爹爹好唔好睇，佢話悶到爆喎！佢話有好多公仔人物走出黎都唔知係咩黎架喎，到Thomas出場嘅時候已經係節目尾聲，真係等到望穿秋水。細問Ambrose嘅反應，爹爹話Ambrose都ok，有d歌Ambrose識唱都會跟住唱，都幾enjoy嘅！不過最好笑都係Ambrose問爹爹點解Fireman Sam做消防員但又响度跳舞喎，哈哈哈！爹爹話坐位都尚算ok，因為係balcony，睇大公仔都睇得幾清楚，但如果係真人扮嘅公仔就睇唔到面部表情喎，所以爹爹話反正都只會買兩張飛入場，下次都係買貴少少去睇喎！
我都帶仔仔睇左~感覺真係麻麻地...
回覆刪除我仔由入場問到thomas 正式出場~haha
我仔都係為左睇thomas~
[版主回覆04/12/2012 14:13:45]其實我都係因為thomas先至買飛去睇架咋...估唔到thomas咁遲至出場,,,同埋爹爹話thomas出場又賣左一陣關子至出喎....好似响度dum時間...等到頸都長先至出一陣......
我都係因為thomas 先買架咋~~hahaa
回覆刪除總之成個show..冇我想像中咁精彩la~
反而上次去演藝學院睇英文話劇~
阿仔仲開心~~~
[版主回覆04/12/2012 15:01:47]hehe....咁你係買$100定貴飛先?$100我至覺得無咁蝕囉...keke...
英文話劇?係咩黎架?啱佢地咁細睇?响邊度可以睇到呢d資料架?
我買300個隻囉~小小貴la~hahaa
回覆刪除其實佢係將d 英文故事..搬上舞台上~
用話劇做返出來~
佢其實話3歲以上先得~
不過我仔坐得定~
同埋我地帶過佢去戲院睇戲~佢可以坐定定~睇晒
所以佢未夠3歲我地都照去~
啱唔啱佢地睇? 我覺得ok 架~ 因為可能d 故事我有講過~
所以去到~我仔更加開心~全情投入~
你可以係快達票都search下~我見我老公都係咁搵返來~
[版主回覆04/12/2012 16:50:06]嘩....$300...我唔捨得等個仔大d識多d先至買貴....hehe....
話劇做幾耐架?
其實我都有諗過同ambrose去睇胡桃夾子果d架..不過又係話三歲先得...我驚唔俾入..所以無買過....原來都可以..咁下次我有啱都可以試吓喎.....
by the way...你上次訂animal baby果邊有無覆你呀?
哇~你間學校好勁喎~咁快就認字喇~~
回覆刪除來緊我仔讀梁李秀如..聽聞k1都係線條練習架咋~~
果然新一代真係深好多呀~~
唔怪得你個間幼稚園 d 小朋友都會考保圓個間直資啦~~
認字個d 要慢慢來..可能佢識但唔講啫~又唔駛太擔心ge~
有陣你貼出來..得閒同佢讀下玩下~
hahaha...好攪笑..成日講戒片書..ambrose可能諗..我都係自己揀返喇..haha好可愛~
你試下係個痰罐底度貼張貼紙..例如..nemo..或者佢鐘意ge公仔..
好核突咁講 : nemo想睇你疴poo poo呀...如果佢真係疴到~你就話nemo好開心呀..
我個陣都係咁..唔係一次得...要做多幾次...個陣我仔會講..." nemo好鐘意我d屎呀"
haha...雖然好核突...但佢肯疴就算la~haha
[版主回覆04/13/2012 15:37:06]佢地有教認英文字母,數字同少少中文簡單嘅字...不過ambrose未返學時都認得d英文字母,到而家感覺都係咁上下,唔好話中文字,數字佢都係估估吓....做功課佢都勉強識數..不過數完問佢邊個數字係佢就亂指囉......
哈哈....herman好攪笑呀.....