Home Art Jamming@復活蛋功課

放復活節假Ambrose幾乎日日都出街，學校功課掂都未掂過，早幾晚趁住爹爹返夜不在家又無街出，都係快快做埋去，唔係又唔知幾時有時間同Ambrose做！功課都不外乎係以油顏色選答案同埋聯線認字，好彩無要搵相關圖片剪貼，媽咪至憎架喇，成日要搵果d圖片都搵唔到嘅，要果時就無，唔要果時又會成日見架喎，哈哈！

 

做到最後一頁，原來要裝飾復活蛋呀，早知學校功課都要裝飾復活蛋，咁媽咪之前就唔使咁辛苦整汽球蛋俾Ambrose塗鴉啦！因為題目係要以不同art materials去裝飾隻蛋，媽咪之前又無睇過份功課，咩準備都無，所以諗起屋企重有d手工紙同皺紙，咪就咁攞出黎俾Ambrose用囉。見畫 班 老師話Ambrose未識撕紙，順手叫佢自己撕紙貼上隻蛋度當訓練，哈哈！不過Ambrose都係麻麻地，撕到d皺紙一堆堆爛哂，俾佢激壞。

 

見隻蛋好dry咁，媽咪醒起之前買左嘅Glitter Glue，本來係諗住整汽球蛋時用嘅，不過完全唔記得左，好彩果次無攞出黎咋，事關整呢隻功課蛋媽咪攞左幾隻色出黎俾Ambrose，佢係咁狂揤，隻蛋咁細都用左好鬼多囉！如果汽球蛋用佢，盒Glitter Glue一定KO哂呀！

 

第二日成隻蛋乾哂，望落都勉強可以啦！