上年同Ambrose玩過soft clay，果時連泥膠都唔鍾意掂嘅佢，篤左兩篤就俾番舊輕黏土俾媽咪！而家Ambrose大左，肯玩泥膠，有見之前上嘅畫班都有玩過輕黏土，又見大表姐而家上緊輕黏土班，整嘅作品都幾得意，整完痴個磁石上去就可以貼上白板或雪櫃，時時都可以欣賞到，真係幾好！所以媽咪又想同Ambrose試吓！雖然之前上畫班時見Ambrose好似都唔係好搓到，不過媽咪諗住一對一咁同佢玩睇吓會唔會好d啦，唔得都唔緊要嘅，咪當係親子遊戲囉！
响Jusco買左一盒白色soft clay，真係好平，$12！出面文具店差唔多size都要$30以上，唔明點解同一樣野有咁大分別！其實有好多唔同顏色soft clay可選擇，不過媽咪專登買白色，因為見大表姐上堂都係用白色，如果要唔同顏色，只要撈d廣告彩或水彩落去就得，咁樣一舊黏土就可以做唔同色，多d變化，又唔使隻隻色買齊但用得果少少就浪費喇！
你好呀~我岩岩喺吉之島買左呢隻soft clay,跟住search倒你個bolg,想問問呢隻黏土易唔易用ga?會好快乾嗎? 我小朋友幼稚園畢業要做小禮物,但...我連紙黏土都未用過,所以想請教下,謝謝^^
回覆刪除[版主回覆06/27/2012 00:57:09]你可參考我第二篇blog文: http://blog.yahoo.com/viennawah/articles/625730/category/Ambrose+~+%E7%8E%A9%E7%8E%A9%E5%AD%B8%E5%AD%B8
基本上,我expect佢係唔痴手好乾淨..但佢唔係....所以有d失望亦攪到有少少狼狽....始終小朋友細...都係mess free好d...乾就一般啦...我整完成晚無攪佢第二日就乾....唔係太快...
唔該晒呀 ^^
回覆刪除