爹爹睇過早兩晚Ambrose嘅塗鴉之後，佢話好想親眼睇住Ambrose畫喎，所以今晚又再畫畫喇！
呢幅係一家人！Ambrose首先畫左中間細細粒果個，都叫似模似樣，之後畫紅色果個爹爹，畫到成個姆明入面果d鬼咁，哈哈！最右手邊果個佢話係媽咪，佢一開頭畫，爹爹媽咪都以為佢畫樹呀！佢話媽咪對腳好長喎，嘩哈哈！最左手邊果pat係咩？Ambrose話係一棵樹呀！至於個天，佢畫左個太陽，佢成日都畫個圓形鬼咁細，但又要响入面畫眼睛，所以攪到唔清唔楚！太陽隔離果一大pat野，其實係應爹爹要求落雨，Ambrose呢場雨都幾“密”吓喎！
呢幅係畫巴士同紅綠燈，巴士上嘅門係Ambrose叫媽咪幫手畫嘅，其他全部都係Ambrose自己畫！
呢幅好奇特，張畫紙又係打橫放，但Ambrose畫左出黎應該係打直睇至得！佢先畫左下面架巴士先，之後媽咪見畫紙只用左一半好浪費，提議畫多架小巴，於是Ambrose响巴士嘅左手邊（打直即上面）再畫多架小巴（其實同下面架巴士一樣之麻），佢畫完之後問媽咪點解架小巴個車碌咁迫？真係好笑，媽咪話因為你無畫過d，預得好少位俾佢囉，哈哈！爹爹問Ambrose點解巴士咁多個車碌架，Ambrose話巴士有好多車碌架喎，跟住走去攞起自己架巴士玩具反轉俾爹爹媽咪睇，咦，成架巴士有六個車碌，又真係好多喎，不過多極咪都係每邊三個車碌啫，Ambrose！！！
呢幅Ambrose畫左火車路軌，要媽咪畫架火車上去，架飛機係媽咪畫一次，Ambrose跟手油顏色，太陽同花都係Ambrose自己畫，Ambrose最後要媽咪畫佢响朵花隔離！見個天空無咩野，媽咪本來响左上角想畫一舊雲，畫左一下就俾Ambrose叫停，佢話唔好畫，架飛機要飛過去喎！！！
呢架巴士係爹爹畫嘅，不過Ambrose負責油顏色，畫馬路紅綠燈同人仔，成晚佢話最鍾意呢幅畫喎！
沒有留言:
張貼留言