Chicken Socks - Rubbings

明明之前見到有Chicken Socks – Rubbings又唔買，到想買果時又無哂貨，攪到要留wish list有貨至通知媽咪！

 

點解無啦啦想買呢本書呢？因為早排同Ambrose做聯線功課，平時大大力嘅Ambrose，連條線好似無哂力咁，勁淺色！媽咪都明白Ambrose重細，而且線條練習好多都去到K1至開始，急都急唔黎。不過印象中有Blogger講過，原來平時用開水筆同埋玩開水彩係對將來寫字係無用嘅，因為用鉛筆寫字同水筆水彩嘅力唔同，前者當然要用力，後者就輕易畫到。見Ambrose用crayon聯線都好似有少少無力咁，唔知係因為要就位聯線而發唔到力定係因為佢真係唔夠力喇！所以突然間諗起呢本Rubbings書！

 

等左一排，終於通知媽咪有書，媽咪即時就買左，買完之後睇番，本書已經無左銀碼，第二日再睇，又再無貨喇，直到收埋書都係未有貨，好搶手呀！