平價Lego

今日爹爹帶左Ambrose出黎灣仔搵媽咪食飯，順便行吓玩具街！Ambrose又有收獲喇，佢買左架Lego穿梭機同警車！正確黎講，唔應該叫佢Lego，因為佢係平價版嘅Lego，應該係大陸造嘅，唔知叫咩名喇，總之都係Lego果d野囉！原本媽咪一直都唔願俾佢玩細粒Lego架啦，因為細粒果d好易俾佢玩兩玩散開哂，成日都要同佢執，又唔知有幾多唔見左！不過爹爹已經响搵媽咪食飯前已經買左穿越機，咁架警車，唉，算啦！

 

價錢，真係平到你唔信，穿梭機只係$10，警車連一個警察加個囚犯，只係$25，質地同平時嘅Lego又真係無咩分別咁，可能正版果d再光身d啦，砌出黎都幾實淨，唔算都唔得啦！媽咪諗咁平，究竟點賺錢架？