唔知係咪呢個四月實在太多假期嘅關係，Ambrose唔使點返學，日日係咁玩，無日留响屋企！加上本身已經有好多時間陪佢嘅爹爹又會在平日放學瞓醒覺之後同佢去樓下玩，再加埋專登請假去嘅旅行，呢個四月，Ambrose返學嘅日子唔知有幾多日，玩到個心都野哂！
而家佢一起身就會問大人“我地去邊度玩呀？”真係服左佢！
去完旅行返黎，可能日對夜對表姐幾日，又成日話搵表姐，搵姑丈！
再慘嘅係，平時唔會扭唔返學嘅Ambrose，竟然唔願返學，一話返學就話唔想返，要放假！
呢兩日佢自己無啦啦同媽咪講，話佢响學校喊，問佢做咩野，佢話佢搵爹爹！媽咪都半信半疑，信係因為Ambrose已經可以表達到少少學校嘅野，疑係因為以Ambrose過往穩定個性，媽咪唔係好信佢會喊！
不過爹爹已經問過老師，Ambrose真係响學校無原無故喊住搵爹爹！爺爺亦都話送Ambrose返學去到門口唔願入，同埋喊！
諗番起成個旅行，好鍾意爹爹嘅Ambrose只要有爹爹响度，咩人都埋唔到身，媽咪都唔例外！其實媽咪都習慣左架喇，不過難得去旅行，當然想有多d親子時間啦，唔肯拖唔肯抱，至少一齊行一齊玩都好丫！好可惜，媽咪成日都俾表姐拖住，呢個表姐去邊度做咩野都要拖住媽咪，攪到媽咪完全無時間接近Ambrose！原本應該係親子之旅，就變成左爹爹同Ambrose自己親子之旅，所以去完旅行之後返學搵爹爹，真係唔出奇！！！
唉！！！我呢個媽咪完全無地位架喇！
haha..ambrose 仲痴爸爸.....
回覆刪除ambrose 緊係玩得好開心la~ 日日見到表姐..媽媽爸爸~
唔好話佢la..我睇完你地去旅行的野..
我係你地..都唔想返學返工喇~hahaa
[版主回覆04/30/2012 17:23:24]係呀....佢可以瞓晏少少返學...返完學食埋野都差唔多要瞓晏覺啦...我希望佢作息定時d...唔好放假放到掛住玩....到時k1開學唔願返就大件事
好呀...kekeke
[鬧鐘仔回覆04/30/2012 17:20:41]hahahaha.....如果我仔咁對我老公..
我老公實好似執到金咁~~~~可惜..hahahaha....
一日兩個鐘ok~~唯有係咁la~~
遲d 我地約出來玩下la~~俾佢2個小朋友玩下~~
[版主回覆04/30/2012 17:15:16]係...佢bb時已經係架喇..爹爹抱佢就收聲....真係唔明...人人都話bb痴媽咪...我唔係囉....
本來我都無咩打算報日日架....諗住搵幾個興趣班俾佢旨在學下玩下過日晨...不過見佢而家咁...可能真係放假太多玩太多....都係同佢報日日好d...似返學咁等佢唔好唔記得返學係點...我覺得應該唔辛苦啦...平時返學要成三個幾鐘...我同佢報只係一日兩個鐘架咋.....佢返去都係玩....係辛苦大人同佢去咋.....
[鬧鐘仔回覆04/30/2012 17:08:01]哇~~好心傷呀...Ambrose 果然好鐘意爸爸呀~~
似乎真係要報summer course,,因為佢返開學...
但日日會唔會太辛苦呢?
我仔仲覺得返學係去玩..因為佢仲未正式返過學...
[版主回覆04/30/2012 16:52:54]唉...平時已經唔痴我架喇...而家講到出口話唔要我...你話唔傷心就假啦....爹爹已經成日同佢講架喇...不過真係無咩效囉....如果爹爹不在...其實我同佢關係都ok嘅...响度就無得傾囉.....
係....返緊學果d...尤其係full time mami都已全力搵summer course喇...因為一唔使返學就要對住...真係人都顛....同埋驚佢地開返學又要重新黎適應過....我有朋友已經報左lur....
而我都諗住報三個星期日日要返果d....唔係我驚佢成個summer日日去玩...八月開學會勁麻煩呀......
[鬧鐘仔回覆04/30/2012 16:46:29]HAHAH~~傷心嚴重過擔心喎~~~~
或者叫老師或者爸爸多d 同佢傾下計la~~
我諗ambrose 呢個四月真係玩得勁開心..
開始有d明白點解返緊學個d..7-8月要安排暑期班...
小朋友玩得多..真係會心野~~我仲以為咁細..好快會適應...
[版主回覆04/30/2012 16:42:52]我唔係擔心....係傷心啫
[鬧鐘仔回覆04/30/2012 16:39:37]可能過左排就冇野呢~~唔駛咁擔心la~~
[版主回覆04/30/2012 16:27:12]唉...我成日覺得返學有得玩都係開心架麻...無諗過佢去完旅行之後唔願返學...而家真係好煩....