Kiehl’s – Ultra Light Daily UV Defense

黎緊會去墾丁旅行，雖然睇天氣報告話落雨，但人地話墾丁大多數時間都係放晴！無咩習慣搽防曬嘅我，都驚驚地會曬黑，唔怕一萬，至怕萬一，都係快d走去買枝防曬旁身先！

 

本來日本牌子係首選，夠哂薄又唔立，出哂名架喇，不過我又驚死，總覺得日本野而家都唔係好安全咁！而家初夏有好多牌子都出左防曬，又base又bb cream，都唔知邊隻打邊隻，有咩分別？只係想是但買隻防曬啫！最後諗到Kiehl’s，夠哂簡單，唔使理有無色，要搽就搽，費時煩，最重要sales話呢隻防曬唔使落妝，咁即係洗少次面啦，啱哂我！試左質地都唔係厚，ok丫，就買呢枝，細枝裝$295，有double size賣＄500，不過懶人都係去旅行或者去游水之類先至會搽架喇，平日會搽都無咩幾可架喇，都係買枝細就算！

 

俾完錢再望吓洗面膏，諗住買枝去旅行用，sales介紹左套基本set，有洗面膏、toner、facial cream同埋一枝serum，雖然除左洗面膏之外都係細枝裝，但成set野都只係$160，咁平，都唔理佢有咩野就買！加埋買防曬時sales送左好幾包samples俾我試，買左$455，就有咁多野，都幾抵！