Home Art Jamming @手提電話(4y3m)

Ambrose除左鍾意畫畫之外，佢仲好鍾意自己玩剪剪貼貼，成日搞到成屋都係紙碎、膠紙等！今次又在成堆紙中發現佢整左一部手提電話，哈哈！佢剪左個長方形出黎，再在上面畫左數目字（同埋有英文字母）、螢光幕同埋入面嘅人樣，都幾搞笑！

Home Art Jamming @象(4y3m)

仲以為呢隻係烏龜，點知Ambrose話佢係大笨象，有長鼻子架喎！真係笑死媽咪！

星星老師@第二十一堂(4y3m)

今堂Ambrose做黏土壽司，一碟有四件，真係幾似呀！尤其是粟米壽司，d粟米一粒一粒，唔知佢點整出黎嘅呢？！

初試電動牙刷 (4y3m)

最近媽咪想著應該幾時俾枝電動牙刷俾Ambrose 用。猶豫，係因為怕佢以為玩具，玩多過用；而且最近又已經提早送了聖誕禮物，又滿足左佢買聖誕樹，再俾枝咁靚嘅電動牙刷俾佢，佢分分鐘以為爹爹媽咪係可以成日送禮物俾佢架喇！

為食嘅Ambrose成日食完飯無耐都會話肚餓，要人俾野食佢，真係有時會諗佢係咪生蟲！今晚，佢又問媽咪攞野食喇，媽咪話，咁夜食野會蛀牙架喎，Ambrose當堂呆左，問媽咪，真係架？咁我唔食喇！唔夠三十秒，佢又再話，但係我真係好肚餓喎！媽咪無奈之下，就俾左件自己焗嘅蛋糕佢食啦！收到蛋糕嘅Ambrose好開心，但下一秒就問媽咪，咁會唔會蛀牙架？真係唔知點應付佢好，食又驚蛀牙，無得食又話肚餓！！！唯有同佢講，食完要飲多d水同快d去刷牙啦！

都唔知Ambrose幾時開始咁驚蛀牙，之前要三催四請佢去刷牙，佢都唔多在乎蛙唔蛀牙咁！今晚又突然咁緊張，真係好好笑！見佢一食完蛋糕，真係九秒九跑去刷牙，媽咪突然就諗起，今晚，似乎係個幾好時機介紹Ambrose用電動牙刷！

Ambrose的聖誕樹 (4y3m)

家中以前有棵六尺定七尺嘅聖誕樹，好不熱鬧！但每次要攞出黎裝飾同埋收藏，真係好花時間同力氣，所以，後來都送人了！那時都未有Ambrose，哈哈！

Ambrose出世以來，曾經有想過再買聖誕樹裝飾屋企，但都因為懶，同埋總覺得佢未知係咩黎，所以都不了了之。

十一月初嘅一個夜晚，Ambrose突然語帶責備咁同爹爹媽咪講，話周圍都整好哂聖誕樹喇，仲咩我地唔快d整聖誕樹裝飾屋企？講到好似屋企一定有聖誕樹咁，只係爹爹媽咪懶唔攞出黎整，好搞笑！後來媽咪同佢講，其實屋企無聖誕樹，所以無整，佢就問媽咪可唔可以買一棵俾佢，同爹爹商量過，決定今年就買一棵小小的聖誕樹給他！

Home Art Jamming @Snowman (4y3m)

有一晚，Ambrose自己埋頭苦幹，佢一向都鍾意自己畫一大餐，又或者自己剪剪貼貼，媽咪無為意，自己做自己野！估唔到，一陣之後，Ambrose行左過黎俾媽咪睇佢畫嘅畫，佢話個Snowman同媽咪say hi喎！真係幾surprised佢自己畫到個雪人咁是正。奇怪點解佢識畫雪人，佢話學校老師教架喎！原來學校都會教畫公仔，真係第一次知道！

廸士尼雪亮聖誕 (4y3m)

Work Hard Play Hard ，呢句說話，爹爹發揮得淋漓盡致！平日Ambrose雖然要上多個興趣班，但爹爹一向都要Ambrose嘅生活取得平衡，所以，每當佢一放假而Ambrose又唔需要上興趣班嘅日子，爹爹都會盡情同Ambrose去玩！

Xmas DIY Cards (4y3m)

聖誕節就快到了，自Ambrose返學起，每年都會同佢一齊DIY聖誕咭俾同學仔！一來係想佢透過活動，感受多d節日氣氛；二來，DIY聖誕咭既是很好嘅親子活動又是很好嘅小肌肉訓練； 三來，媽咪真心覺得，雖然買現成的又平又方便，但，買回來又係大人寫的，有點沒趣吧！

創意畫班@第四十九、五十堂(4y3m)

上一堂畫班，Ambrose畫了一條噴水嘅鯨魚，背景白雪雪咩都無嘅，成幅畫除左有鯨魚，仲有個“怒海”，問Ambrose綠色果d係咩黎，老師代答，話係山黎嘅！之後，老師就話今堂教Ambrose畫鯨魚嘅線條，佢話Ambrose都畫左好多次又擦過好多次，至畫到而家嘅樣，張紙都花哂有痕！唔怪知得成堂一個鐘頭三個字畫得咁少野咁啦，原來畫極都畫唔好！哈哈！老師話，幅畫未畫完，要下堂再埋尾喎！

學校旅行@K2 (4y3m)

今日係Ambrose學校嘅秋季旅行。其實學校旅行呢兩年外判左俾本地旅行社搞嘅一天遊，所以行程都係悶悶地，如果唔係覺得學校旅行可以一班同學仔一齊出發一齊玩，大拿拿近二百大元一位，媽咪真係唔多願意去！記得上年係去大坳門放風箏，再到西貢食海鮮餐，然後去獅子會自然教育中心，行程真係唔錯，亦因為呢一次旅行，爹爹媽咪認識左大坳門呢個放風箏嘅好地方！今年，行程真係麻麻地了，先去荔枝角公園，再去熊貓酒店Lunch Buffet，再參觀恆香餅家，最後就係綠田園！

星星老師@第二十堂(4y3m)

發覺老師教畫班都幾有系統的，上堂做了綿羊黏土門飾，今堂就畫綿羊。對上一次係做黏土茶具，再用宣紙墨汁作茶具主題畫。

 

今堂Ambrose畫的小綿羊，很可愛呢！

Ambrose第一枝高爾夫球桿 (4y3m)

上星期，Ambrose突然提出話好想去打高爾夫球，爹爹見佢突然咁有興趣，又好耐都無同佢去過，所以應承左佢今星期安排同佢去一次！

對上果次打高爾夫球，原來已經係三月份嘅事！有成八個月無去打波，原因真係好多！一來係因為未買到高爾夫球桿。第一次係去打高爾夫球，係去埸地內的小店問吓有無桿賣，店員話無貨，但搵到一枝小童用嘅可租用一次，到第二次去時，都係無貨，正想打發我地，我地就話上一次有一枝小童桿可租用，店員搵左一大餐至搵到，仲要租金海鮮價，求其講個數就租俾我地，但已經比起第一次租金貴了一個double，所以總係覺得，都係自己有桿帶去玩好d，費時唔知幾時佢話無桿又或者唔再租！其實都有去過Sogo睇過，又係咁啱無貨，見Ambrose又無話提住要去，所以又無好積極搵桿！到後來，小店打來話有小童桿返貨了，又到Ambrose剛巧開展左唔同嘅興趣班，又比賽又考試等等，無咩時間！再加上正值夏天吧，更加提唔起勁帶佢去打高爾夫球兼餵蚊！於是，不了了之！

Home Craft Time @ 膠布 (4y3m)

今晚Ambrose好搞笑，自己玩玩吓走左入房搵爹爹媽咪，俾左張細細張正方形嘅黃色紙仔俾爹爹，係佢响邊張長條形post it度撕下嘅一部分。爹爹滿腦疑惑，無啦啦俾張紙仔佢揸住做咩呢？轉個頭，Ambrose又走番入黎，今次佢搣左張膠紙，又遞俾爹爹，指點佢，叫佢貼在之前俾佢嘅黃色紙度！爹爹沒有細想，求其貼落去就算，點知俾Ambrose叫停，話唔係咁貼呀，貼响中間做膠布呀！

恐龍外套 (4y2m)

尋日去左H&M行，見到一件恐龍外套！見之前買左件鱷魚（定恐龍？）晨褸俾Ambrose泳班上水著，佢超級鍾意，呢件恐龍衫，除左帽有有尖牙，背上仲有角，可以想像到Ambrose見到會超級興奮！抓毛底，又有造型嘅一件外套，只係$99，真係好抵好抵！所以，就算無Ambrose嘅碼，媽媽最後都敗左一件大一個碼嘅！

腳傷後的第六晚 (4y2m)

前兩日，Ambrose嘅腳仲係青青紫紫咁，而家已變成紅紅紫紫同黑黑，仲要瘀血去埋腳趾隙位，成隻腳好似好烏卒卒咁，都幾搞笑！見佢瘀血範圍咁大，都有輕力撳落去紅紅黑黑嘅位置，佢話唔痛！但當輕力撳落傷口位置附近，無瘀血色嘅地方，Ambrose會痛到好似大人咁叫出一聲「呀」！好衰地覺得，好好笑呀！

減少啊減少(4y2m)

另一本關於地球嘅書，內容係減少使用資源，愛護地球！

講開地球，有時媽咪都會教Ambrose要環保，唔好浪費，Ambrose會問咁浪費會點架，媽咪就話浪費嘅話，地球就會死架喇，咁我地就無地方住架喇！Ambrose聽到第一個反應就話，咁咪去第二度住囉！哈哈！佢當然唔知道，地球就只得一個啦！於是，媽咪好順口就話地球死左，我地都要死架喇，我地無第二個地方住架喇！

噼哩噼哩地球探險(4y2m)

「噼哩噼哩地球探險」這本書手法生動，係藉由外星人看見地球，用spotlight照住地球上唔同顏色嘅地方，簡介唔同顏色係咩地方同埋相關嘅氣候，所用嘅圖片又係真實相片，內容簡單扼要，輕輕鬆鬆教導小朋友地球嘅概念同基本知識，啱哂最近成日問咩係地球嘅Ambrose！ 

要往哪裡走呢？(4y2m)

媽咪又買書喇！Ambrose應該會鍾意！佢平時响街上見到標誌或指示牌，會問係點解？同埋自己會估吓係咩意思（反而未會問字*_*”），呢本「要往哪裡走呢？」入面，係因著一個小朋友响商場同街上嘅唔同情況，引導小朋友去望標誌搵路！書中嘅標誌係全頁大咁濟，每個標誌都可揭起繼續睇故事，真係好有趣，亦都好日常生活化，好實用！個紅綠燈公仔，仲好真實添呀！

講開標誌，媽咪諗起一件生活小事！

腳傷後的第四日早上 (4y2m)

火速消腫嘅Ambrose，已經回復平時嘅蹦蹦跳跳，唔講真係唔知佢隻腳受過傷，等爹爹媽咪之前仲擔心到要同佢衝去睇醫生添！

星星老師@第十九堂(4y2m)

今堂做手工，仲要係黏土木門牌，好特別呀！個門牌可以掛在Ambrose房門鎖上，實用實用！

Home Art Jamming @現實與幻想之間(4y2m)

Ambrose最近畫左呢幅畫，驟眼望落好靚，但仔細睇，又唔知佢畫緊咩野！

神奇的亮晶晶卡片 (4y2m)

除左「爸爸的薪水」外，媽咪仲買左「神奇的亮晶晶卡片」俾Ambrose！本書所講嘅亮晶晶卡片，其實係指信用卡。信用卡並唔係一攞出黎就好似唔使俾錢咁神奇，媽咪覺得好貼緊現實生活，好難得嘅一本親子理財書呢！

爸爸的薪水 (4y2m)

原來大眾書局係會於個別分店做減價的！媽咪今日發現公司附近的大眾書局正在減價，除某些出版社外，均有八折優惠！

腳傷後的第二晚 (4y2m)

昨晚，Ambrose已可以著鞋，但其實佢嘅腳面仲有些少腫的！

Ambrose第一次食薯片 (4y2m)

Ambrose係一個好為食嘅小朋友，爹爹係一個廿四孝嘅爸爸！一直以黎，都係媽咪禁制Ambrose食零食，而爹爹一直做放任嘅角色！只要媽咪一唔响度，無人望住呢兩父子，爹爹就會不時俾Ambrose食新嘅零食！有時真係俾佢激到彈起！

ABRSM@小提琴 (4y2m)

Ambrose學習小提琴已經有十個月了！由於Ambrose三歲多一點開始學，媽咪當初預計佢嘅進度唔會快，始終咁細個嘅理解力都係較弱，而且亦要協調持弓、看譜、拉弓、撳線、數拍子等等，真係唔係短時間可以拉到似樣d嘅歌出黎！ 

腳傷後的第一晚 (4y2m)

媽咪原本估計，Ambrose的腳傷，應要一星期左右才復原（醫生話要兩星期）！仲諗住佢可能要著幾日拖鞋返學，點知，腳傷後第二晚，當媽咪去接佢小提琴放學時，就見到佢竟然可以著番鞋，仲已經可以正常地行路！

 

小朋友嘅復原能力，真係不可睇少！

腳傷後的第一個上學天 (4y2m)

尋晚Ambrose撞到右腳，腫到豬蹄咁，都有諗過第二日仲番唔番學？想佢番學，係因為唔想因為只係腳傷就呆在家中，亦都唔想俾佢覺得可以咁易唔使返學；但另一方面，又擔心佢瞓醒第二日，腳傷會更腫同更痛，所以一切都要等第二天瞓醒看看情況才決定。

Ambrose第一次照X-ray (4y2m)

今日放工回到家，見到Ambrose同嫲嫲排排坐响沙發上，嫲嫲一見到媽咪返到，就即時安撫Ambrose，話好喇好喇，媽咪返左黎喇！媽咪正在奇怪究竟發生咩事，點解嫲嫲把聲好似好緊張咁！當媽咪行到沙發前，就見到Ambrose右腳腳面腫起左成隻雞蛋，上面仲有少少半乾嘅血跡，都未等媽咪問Ambrose發生咩事，嫲嫲已經話剛才Ambrose俾張檯紮到腳面！媽咪望吓Ambrose傷口，再望吓佢個樣，佢無喊，不過就有少少呆咁！媽咪即時攬住Ambrose，問吓佢有無事？痛唔痛？點樣整到？點知，Ambrose一開口講野時，已經忍唔住抽泣，嘴都扁埋咁斷斷續續講番發生咩事，個樣好可憐呀！

電動牙刷(4y2m)

Ambrose自己刷牙已經有段長時間喇，以前仲細時都有幫Ambrose再補刷，而家Ambrose大左，已經唔會俾人幫佢。而且，媽咪有擔心，尚若經常補刷，一方面可能影響左Ambrose嘅自信，認為自己不被信任；另一方面亦可能俾Ambrose覺得，總有人會幫佢補刷，自己就不用刷得太認真！於是，媽咪暫時都係抱放任態度！

Real Fruit Bites@Dole (4y2m)

前年Halloween時媽咪去過廸士尼，當時除左派糖外，仲派左隻乳酪生果粒（Real Fruit Bites）！呢隻乳酪生果粒，表層係乳酪，入面就係一粒生果，咬落去口感唔錯，而且唔太甜，媽咪一試就愛上了，而且又覺得好啱俾Ambrose食！可惜，周圍搵過都無，香港無得買！

創意畫班@第四十八堂(4y2m)

今堂因為媽咪病左嘅關係，由爹爹獨自湊Ambrose返畫班！

爹爹話，幅畫係螞蟻搬家，哈哈！

Home Coloring @ Toy Story (4y2m)

星期五Ambrose學校開生日會，收到同學仔幾份禮物。其中一份係Toy Story嘅填色套裝，入面有唔知幾多張填色紙同埋幾枝小小的木顏色筆。媽咪並未及收起，只係隨便放左响Ambrose檯面，點知。。。。。。

羽絨背心兩著 (4y2m)

難得今日竟然捉到Ambrose陪媽咪買衫，又遇著Izzue全店貨品三件再八折，真係好開心呀！

媽咪見到呢件羽絨背心，原價$1599，竟然一折，即$159.9，但就只有XS碼，所以咁平！著在媽咪身上剛剛好，打底衫只能著薄薄的一件，猶豫究竟買不買，可是女人的天性發作，唔抵得咁平，於是靈機一觸，套在Ambrose身上，大了少少，長了少少，但又唔係好誇張著唔到喎！Ambrose著在身上又出奇地鍾意，話要買喎！一定係頂帽大大地，佢覺得戴左好型啦！

久違了的Chicken Socks (4y2m)

Chicken Socks嘅手工玩意書，曾經媽咪都有不停關注，遇上好的、適合Ambrose的，都會買下！媽咪喜歡Chicken Socks嘅玩意書，係方便，每本書都總會有唔同嘅手工美術或玩意，唔使媽咪諗，而且仲會包埋所需材料，唔係咁多時間嘅時候，只要攞一本出黎玩吓，都夠應付Ambrose！

星星老師@第十八堂(4y2m)

上堂Ambrose做左黏土茶杯套裝，今堂畫嘅都係茶杯同茶壺，而且最特別嘅係用宣紙同墨汁作畫，相信，Ambrose都係第一次接觸呢！

退出交通安全隊(4y2m)

真係唔明Ambrose點解對於交通安全隊咁焦慮，明明個個小朋友都對套制服好迷戀，好想入選去玩步操，偏偏 Ambrose入左選竟然唔多願返！原本仲以為因為英文班搞到佢好抗拒，點知cut左英文班之後，亦唔覺得留校上交通安全隊有改善嘅跡象！每個星期都會問定今日星期幾？幾時到星期三？如果仲有幾日都無咩野，但如果第二日就係星期三，佢就會尷尷尬尬咁話自己有少少驚喎！又係例牌氹吓佢無野好驚，學校日日都去，留校吃飯咁多同學仔一齊會好開心，諸如此類的安慰說話，講過好多次了！

同老師溝通過，亦係話可能佢需要d時間去適應，老師亦有講過，佢已經同Ambrose重申過好多次，留校上交安並唔係罰留堂！但Ambrose唔知點解對於無得搭校巴返屋企有份執著，總係唔搭唔開心咁！

以為只係時間嘅問題，所以一直都唯有係等待，等待Ambrose慢慢適應！點知...................

Lowercase Alphabet Stamps @ Learning Resources (4y2m)

本來Ambrose已經有Uppercase Alphabet Stamps架喇，諗住佢而家都認得吓大小階，唔再係之前咁只識大階，加上聖誕節又臨近，想同佢又再DIY聖誕咭，趁有折，忍唔住又買埋Lowercase俾佢，哈哈！

My School Bus @ Convertiables (4y2m)

星期日去左海港城行街，發現Book Buddy 過年前會搬遷（定結業？無睇清楚），全店貨品八折，所以入左去望吓！

Sight-words Tower of Language Game @ Lakeshore (4y2m)

上星期五接Ambrose放學，又在學校樓下商場內的小店買到很不錯的教具！這盒Sight-words Tower of Language Game，其實也不外乎是層層叠遊戲，同系列中有phonics同families words，媽咪唔多識教，只有呢盒sight-words，感覺上易handle一點！以Ambrose嘅英文進度，其實都應該有排未玩到，不過見可以玩遊戲中學字，價錢又出奇地平宜，就覺得自用或送人，也是很不錯，所以買住返屋企先！攞上手，真係幾重吓！

Coloring @ School Worksheet (4y2m)

早前見到Ambrose檯面又有學校派嘅worksheet，今次唔係pattern而係油顏色，見到時其實都見佢已經油左顏色的了，不過由於媽咪忙，無時間幫佢執同埋file起，所以就不了了之！

Home Craft Time @ Totally Tape (4y2m)

通常做開手工，Ambrose都會陸續有來，尋晚做完Play Corn車仔，今晚佢又要求再做其他手工。而家同佢做手工，真係講求快靚正，因為以前唔趕時間，可以玩大壇野都得，而家放工返黎，要跟吓功課，又要預留比較長嘅故事時間俾佢，最好就練埋其他野，搞掂而有時間（其實都唔會太多時間淨）嘅話至可以做吓手工同佢玩！

 

今晚見時間又係尚可，都可以玩少少手工。見佢而家成日自己搣膠紙痴野，諗起之前買落本Totally Tape，就正正係用膠紙decorate畫作，諗住都啱而家嘅Ambrose玩！

Home Art Jamming @蝴蝶 (4y2m)

今日午飯後Ambrose畫左隻蝴蝶，唔知點解佢好耐都無在家畫畫了！

Home Craft Time @ Play Corn車仔 (4y2m)

好耐都無同Ambrose做手工了，今晚見時間尚早，又唔使跟功課，所以決定同佢玩吓手工！其實放低太耐，都無咩諗頭玩咩手工，一心都係想玩d唔使咁麻煩，又快又乾淨嘅手工就最好！

忽然俾媽咪諗起好耐以前買落嘅Play Corn，大大盒幾阻地方，真係好啱攞佢出黎KO，而且又真係乾淨同快脆，GOOD！

DHA Gummies (4y2m)

表姨從加拿大回來帶來了兩大樽DHA Gummies俾Ambrose試試！剛巧之前媽咪在香港亦試買過一隻士多卑梨味魚仔形狀嘅DHA俾Ambrose試，佢食左幾次都無話唔好食，但又無話好好食，點知，食左個幾兩個星期後，佢終於同爹爹講話唔想再食，話有少少難食喎！咁又係嘅，媽咪自己都試過，士多卑梨只係魚仔膠囊嘅味道，一咬破膠囊，入面果D真係pure 魚油，其實都有少少腥，唔多好食架，只係好似mix埋一齊易少少入口咁囉！