爸爸的薪水 (4y2m)

原來大眾書局係會於個別分店做減價的！媽咪今日發現公司附近的大眾書局正在減價，除某些出版社外，均有八折優惠！

找到呢本「爸爸的薪水」，覺得好啱同Ambrose一齊睇！其實Ambrose都知爹爹媽咪返工至會有錢，所以有時佢唔想爹爹返工時，都要同佢講一餐唔返工無錢，無錢就無屋住等等嘅理由俾佢知，等佢放過爹爹！但對於家中嘅其他開支，佢就好似無咩concept，有時佢會好輕易就話，買咪得囉，完全唔覺得錢係有盡頭！又或者，佢會問你有無少少錢，如果有嘅，佢就會覺得可以買野俾佢，而果樣野絕對唔係“少少錢”囉！

諸如此類嘅情況，都令媽咪覺得，要教Ambrose錢嘅概念，咩叫薪水，薪水點分配等理財問題！見到呢本書嘅時候，真係有種“找到了”的感覺！平時同Ambrose就咁講就講得多，利用故事書同佢講，相信佢會入腦d同明白d！