恐龍外套 (4y2m)

尋日去左H&M行，見到一件恐龍外套！見之前買左件鱷魚（定恐龍？）晨褸俾Ambrose泳班上水著，佢超級鍾意，呢件恐龍衫，除左帽有有尖牙，背上仲有角，可以想像到Ambrose見到會超級興奮！抓毛底，又有造型嘅一件外套，只係$99，真係好抵好抵！所以，就算無Ambrose嘅碼，媽媽最後都敗左一件大一個碼嘅！

結果，一如預期，Ambrose一見到就尖叫興奮，即時試穿上身，大耍功夫咁，真係超搞笑！其實媽咪買嘅時候，已經見到有兩個小男孩又係超級興奮，係咁要父母買呢件恐龍外套，男仔一般都會鍾意恐龍吧！

外套穿在身上其實又唔係太大，只係袖長，要摺一摺，今年已可著了，分分鐘可以著到兩年，哈哈！