ABRSM@小提琴 (4y2m)

Ambrose學習小提琴已經有十個月了！由於Ambrose三歲多一點開始學，媽咪當初預計佢嘅進度唔會快，始終咁細個嘅理解力都係較弱，而且亦要協調持弓、看譜、拉弓、撳線、數拍子等等，真係唔係短時間可以拉到似樣d嘅歌出黎！ 

一開始係Ambrose自己話要學小提琴，睇得出佢好有興趣！但學習同興趣係兩回事，有興趣唔代表唔使練習，佢又唔係gifted，之前都已經同過佢講要練習，一心迷上小提琴嘅Ambrose當然咩都話好架啦，但到真係要記音同練習時，即時覺得好煩悶咁，唔多願意練！所以話，幾有興趣都假！

曾經，有過沮喪嘅時候，亦曾有過係咪俾佢繼續去學嘅諗法！多得爹爹嘅積極及堅持，每天或隔天都要捉Ambrose練琴溫習，漸漸就見到Ambrose慢慢跟上了！雖然進度唔快，但有小進步，並唔係原地踏步，媽咪已經好開心！

及至早三個月前，Ambrose終於開始拉到幾首兒歌，並唔係單單只係拉幾句唔知咩音調嘅歌仔，睇得出佢嘅滿足感大左好多，亦因此，佢開始自發地練琴了！有時，甚至係一早起身，就已經衝左出房拉小提琴，簡直係人肉鬧鐘！仲要，佢會要求聽住小提琴嘅樂章瞓覺，話覺得咁樣好舒服喎！媽咪見佢咁鍾意小提琴，好安慰！

今晚，老師加了兩本琴書，係ABRSM的，話要同Ambrose開始試吓sight-reading同scale了！希望Ambrose繼續努力，更希望佢响學習過程中繼續享受音樂！