忽然俾媽咪諗起好耐以前買落嘅Play Corn，大大盒幾阻地方，真係好啱攞佢出黎KO，而且又真係乾淨同快脆，GOOD！
開左盒，攞左本說明書出黎， Ambrose話要整車，但由於見到架車好似都要用好多粒Play Corn，媽咪游說Ambrose只係整車，唔整佢前面推土果塊野，哈哈！
媽咪一邊盤算要幾多粒一行，一邊叫Ambrose幫手痴，佢真係好幫得手，叫左佢整幾粒一行，然後佢就自己數粒粒出黎係咁痴，之後同佢講要幾條痴埋一齊，佢又完全自動波咁去整，實在好方便，哈哈！
結果，都砌到架車出黎，不過由於要撳扁粒Play Corn包車碌，因為力度問題而令車碌有D大細左，所以當車碌痴上車身後就有少少唔平衡咁！
Ambrose好堅持要整張椅子响車度，本來佢仲話要整埋個軑盤，不過媽咪都諗唔到點整，所以同佢講唔夠位整就算！好彩最尾都擺得落個Lego人仔，Ambrose仲將架車泊左去佢張Lego台上間Lego屋隔離，哈哈！
好勁吖，Ambrose 痴到成架車，你點教佢痴架？
回覆刪除盒play corn有本guidebook之類嘅書,响入面見到咩公仔,都有大概教你準備d咩組件,我睇住d組件,我示範左點痴埋一條,然後叫佢幾粒咩色痴成一條,再擺開一邊,要整幾條,咁佢整夠之後,叫佢將佢痴埋一齊至會做到一塊!每part都係咁囉,之後佢睇吓圖我又講吓,佢大概都估到點去砌嘅,當然我要幫手啦,要就位話佢知要幾條痴埋至夠!呢隻play corn都ok....如果痴錯左都可以搣返出黎再痴過,不過要小心d囉....所以都唔係好難...你都可以同家希試試,,,,,乾淨方便!
刪除原來係咁
刪除我都有一盒，不過係細盒
但家希成日用刀切爛佢地����
其實盒play corn都買左年幾架喇...之前同ambrose玩,係我地砌架飛機俾佢...點知佢係咁搣甩佢,所以之後我地至收起...而家攞番出黎,佢已經無搣,反而好有興趣砌,砌好又珍而重之擺起...哈哈....可能同佢鍾意砌lego砌野有關....家希鍾意cut,咁細左都仲可以痴嘅...係我懶,成粒原粒痴,無搞咁多野...你俾佢cut完再痴...又或自由發揮cut完痴d野出黎,都好架.....
刪除