Ambrose放學攞住幅畫出黎果一下，既是感動又是無奈！感動係見佢幅畫係畫一家三口全家幅，佢畫緊爹爹媽咪同佢自己；無奈係點解畫到咁肉酸！三個人樣細到不得了，仲要畫上五官後，簡直係一pat野咁！
老師有講解今堂用左塑膠彩油邊，扮成係相架框，佢話Ambrose好快手咁畫完，同埋因為上兩堂比賽班已經無用新買嘅油粉彩，今堂佢終終忍唔住問老師點解唔用佢盒新粉彩，於是老師俾佢用，所以畫上有兩隻唔同顏料！
媽咪細看幅畫，見到畫上其實有鉛筆起稿痕跡，很感意外！莫非升了班後，畫畫開始要起稿？也難怪Ambrose將人仔畫到咁細塊面，用鉛筆起稿不同用油粉彩，一畫就畫左個大面出黎，Ambrose平日在家用鉛筆畫畫，一般都較用crayons畫得細。可以估計到佢起完稿之後，再用油粉彩油，本來已經細嘅面，加上jumbo size油粉彩，再加上要畫埋眼耳口鼻，都幾難唔一pat野！睇黎，佢都要重新揣摩一下用鉛筆起稿畫人面應該要嘅大細比例了！
沒有留言:
張貼留言