Home Craft Time @ 膠布 (4y3m)

今晚Ambrose好搞笑，自己玩玩吓走左入房搵爹爹媽咪，俾左張細細張正方形嘅黃色紙仔俾爹爹，係佢响邊張長條形post it度撕下嘅一部分。爹爹滿腦疑惑，無啦啦俾張紙仔佢揸住做咩呢？轉個頭，Ambrose又走番入黎，今次佢搣左張膠紙，又遞俾爹爹，指點佢，叫佢貼在之前俾佢嘅黃色紙度！爹爹沒有細想，求其貼落去就算，點知俾Ambrose叫停，話唔係咁貼呀，貼响中間做膠布呀！

就係咁，無啦啦就整左張膠布出黎！然後，Ambrose就問邊個受傷要貼膠布，個樣真係好得意呀！於是，媽咪舉手話手部受傷，Ambrose一臉認真地哄埋黎幫手貼「膠布」，哈哈！