Ambrose的聖誕樹 (4y3m)

家中以前有棵六尺定七尺嘅聖誕樹，好不熱鬧！但每次要攞出黎裝飾同埋收藏，真係好花時間同力氣，所以，後來都送人了！那時都未有Ambrose，哈哈！

Ambrose出世以來，曾經有想過再買聖誕樹裝飾屋企，但都因為懶，同埋總覺得佢未知係咩黎，所以都不了了之。

十一月初嘅一個夜晚，Ambrose突然語帶責備咁同爹爹媽咪講，話周圍都整好哂聖誕樹喇，仲咩我地唔快d整聖誕樹裝飾屋企？講到好似屋企一定有聖誕樹咁，只係爹爹媽咪懶唔攞出黎整，好搞笑！後來媽咪同佢講，其實屋企無聖誕樹，所以無整，佢就問媽咪可唔可以買一棵俾佢，同爹爹商量過，決定今年就買一棵小小的聖誕樹給他！


原打算買一棵三至四尺的聖誕樹放在廳中，同學仔媽咪介紹了一棵兩尺的小聖誕樹，只是$20，媽咪覺得超值到不得了，細細的一棵，不阻地方，又可以放在Ambrose房中，所以，媽咪決定就買這棵兩尺小樹。爹爹同Ambrose於興趣班後就去揀選飾物，今晚一返到屋企，Ambrose就嘈住要裝飾聖誕樹了，非常興奮！

爹爹買嘅吊飾唔多，而且，原本就買了一條金色的裝飾條打算繞在聖誕樹上，再加上吊飾應該剛好，點知開了包裝後，至發現金色的不是裝飾條，而是一棵聖誕樹吊飾！由於沒有了裝飾條，Ambrose又急不及待要繼續裝飾聖誕樹，媽咪便想起上年有不少的自製聖誕飾物，部分加條繩已可掛在聖誕樹上！

摷番上年的窗貼，交俾Ambrose自己裝飾房間，佢仲將之前即影即有嘅相片貼在窗上，真係好俾心機佈置自己房間，哈哈！今年，家中真的有點聖誕氣氛了！這樣整一整，只需幾十大元而已，抵抵抵！