電動牙刷(4y2m)

Ambrose自己刷牙已經有段長時間喇，以前仲細時都有幫Ambrose再補刷，而家Ambrose大左，已經唔會俾人幫佢。而且，媽咪有擔心，尚若經常補刷，一方面可能影響左Ambrose嘅自信，認為自己不被信任；另一方面亦可能俾Ambrose覺得，總有人會幫佢補刷，自己就不用刷得太認真！於是，媽咪暫時都係抱放任態度！

最近，聽到班中一個同學仔有蛀牙，睇完牙醫，發現有兩隻蛀得嚴重，需要做d唔知咩 treatment，咁就盛惠兩萬大元，真係好貴！其實媽咪都唔係第一次聽見小朋友整牙係咁貴，次次聽親都萬萬聲，令媽咪開始擔心，真係要好好睇住Ambrose嘅牙齒！

見到呢枝電動牙刷嘅時候，有一下猶豫，Ambrose咁細個，係咪可以用呢？不過見佢嘅公仔實在太可愛，一定係俾小朋友用架啦！見有特價，而且有四個刷頭，除番起其實比手動牙刷亦唔係貴得太多，所以即管買回家試試！電動牙刷速度快，相信如果唔使佢點郁，相同刷牙時間，應該比手動刷得乾淨一點吧！

且看看甚麼時候適合開動吧！