晨褸 (4y2m)

今日去左H&M行，竟然見到件鱷魚晨褸（其實媽咪第一時間覺得係恐龍，係Ambrose之後見到時至話係鱷魚），仲要係珊瑚絨質地，媽咪第一時間諗起，可以俾Ambrose游水上水之後著住，感覺上應該暖過浴袍！由於之前在廸士尼已經買左件Mickey Mouse浴袍，但因為諗到冬天游水後著，都係決定同佢換大一個碼，等件袍身可以包埋成隻腳會好一點，但需時再入去更換碼，短期內都沒有游水袍可穿呢！

媽咪見到呢件鱷魚晨褸，決意要買，打算在未換好Mickey Mouse浴袍前有得著，同埋，即使珊瑚絨其實唔係幾索水，可能唔啱游水著，媽咪覺得仍可充當冬天在家穿著嘅外套，咁大件，都應該著到好多年了，哈哈！

Ambrose一見到呢件晨褸，超級鍾意，睇黎，件Mickey Mouse浴袍都係要留番夏天時至有機會著喇！