見今次咁奇怪，畫左成堂都畫唔起幅畫，又見Ambrose都係起左稿至上色，問吓老師，而家係咪進階，所有畫都要起完稿至上色，定係Ambrose自己鍾意用鉛筆畫完上色？答案係，因為升左班，所以要學起稿畫線條，畫好至上色！之前媽咪見Ambrose畫畫無咩突破，已經有諗過想搵吓畫室教起稿至畫，奈何咁細個小朋友，好多畫室都唔教起稿；又，教得起稿嘅畫室，氣氛同環境通常又會較嚴肅，所以媽咪一直都未物色到心水畫室。而家好喇，呢間畫室返開有感情，誤打誤撞升左班，可以試試學起稿，真係一舉兩得！
今堂，本來諗住只係會完成上一堂嘅畫，點知，落堂時見Ambrose攞出黎嘅畫係土人，媽咪仲以為老師唔記得左上堂幅畫未畫好！原來唔係，幅畫只係畫多左個戴黑超嘅太陽同埋補油底色，所需時間不多，夠時間再另畫一幅畫。老師講解話個海用左水彩同油粉彩油，個天空就用乾粉彩捽上色，係教Ambrose用唔同物料造出層次，都幾得意！最後，老師話幅畫要貼堂喎，所以撕左落黎！其實都唔多明，幅鯨魚畫，都唔覺有咩特別，唔知點解無啦啦貼堂，媽咪只係諗到，佢會唔會俾返幅畫我地呢？同埋第日真係俾返幅畫我地，一張散修修點保存好呢？！
幅土人畫，其實都係一般，有無起稿都差不多咁，都係一貫Ambrose作風！老師話，Ambrose好快手已經將個人身畫成三角形，所以要教番佢點去修補同畫番人形，咩唔係用左鉛筆起左稿先上色咩？有點奇怪！
沒有留言:
張貼留言