講開地球，有時媽咪都會教Ambrose要環保，唔好浪費，Ambrose會問咁浪費會點架，媽咪就話浪費嘅話，地球就會死架喇，咁我地就無地方住架喇！Ambrose聽到第一個反應就話，咁咪去第二度住囉！哈哈！佢當然唔知道，地球就只得一個啦！於是，媽咪好順口就話地球死左，我地都要死架喇，我地無第二個地方住架喇！
唔知係咪講得多個「死」字，最近Ambrose臨瞓前成日叫爹爹過去佢度，係咁問爹爹係咪會死，又話好驚死，又問死左去邊度，爹爹話佢心都寒埋！媽咪就講出地球事件俾爹爹知，唔知有無關係呢！爹爹話，邊有人會話地球死架，唔係通常都會話地球先生病倒了架咩？媽咪諗落，又係喎！
而家好啦，買到呢本書，可以利用佢同Ambrose講愛護地球同埋要環保喇！
沒有留言:
張貼留言