星星老師@第十八堂(4y2m)

上堂Ambrose做左黏土茶杯套裝，今堂畫嘅都係茶杯同茶壺，而且最特別嘅係用宣紙同墨汁作畫，相信，Ambrose都係第一次接觸呢！

今堂媽咪又有機會接放學，所以老師又再同媽咪分享Ambrose畫畫過程。老師話本來幅畫構思係在樹下茗茶，而老師話棵樹打算係必教嘅。但當老師講完，Ambrose就問老師可唔可以畫屋入面，老師諗諗，室內其實都可以有盆栽樹，咁都未嘗不可，於是就同Ambrose講可以！點知Ambrose畫到個茶杯同茶壺好大，無咩位畫樹，棵樹就要相應就位畫細棵少少！再之後，都未等老師講解點畫屋，Ambrose已經一枝箭咁自行畫左個方框框住所有野，就咁就當係屋！哈哈！

其實，在老師未講呢個畫畫過程嘅時侯，媽咪係以為，Ambrose畫嘅係在窗邊茗茶，望出去就係遠處嘅樹！哈哈！其實都幾似丫！