腳傷後的第一個上學天 (4y2m)

尋晚Ambrose撞到右腳，腫到豬蹄咁，都有諗過第二日仲番唔番學？想佢番學，係因為唔想因為只係腳傷就呆在家中，亦都唔想俾佢覺得可以咁易唔使返學；但另一方面，又擔心佢瞓醒第二日，腳傷會更腫同更痛，所以一切都要等第二天瞓醒看看情況才決定。

結果，Ambrose係有返學嘅！不過因為腳腫著唔到鞋，腳傷後的第一個上學天，佢係著拖鞋返學嘅，哈哈，仲要係紅色spiderman人字拖！真係幾觸目！

 

由爹爹親自送Ambrose返學，當然有同學校交代腳傷，Ambrose咁嘅樣，行路又跛跛下，老師亦會特別照顧Ambrose，唔俾佢亂郁，應該好過在家發呆周身郁傷多幾錢重，哈哈！ 

之前果晚，Ambrose仲叫媽咪打俾老師話佢地知佢隻腳傷左，又問媽咪，佢d同學會唔會問候佢，似乎好想要全世界都知佢受傷咁！今日佢著住拖鞋返學，係人都知佢受傷啦！放學問Ambrose，有無人問候佢，佢不知幾開心咁話有，仲响度數，沾沾自喜咁，服左佢！