近日Ambrose好似愛上左coloring咁，俾功課佢揀，佢都會揀油顏色！繼之前做完嘅塗色入門後，媽咪又摷左本兩年前去深圳書城買落嘅油顏色書“寶寶快樂塗色”俾Ambrose油！呢本顏色書一頁係樣版，另一頁就係俾小朋友跟住油顏色嘅！叫左Ambrose跟住顏色黎油，佢又唔聽，自己鍾意攞咩色就咩色，俾佢激死！不過Ambrose又好奇怪架喎，佢鍾意撞幾隻色一齊油，呢幾隻色並唔係跟據d邊界一隻色油一格咁油，而係自由派咁全個公仔隨意亂撞，都唔明點解佢要咁做？其實係咪應該要帶Ambrose去睇吓畢家索嘅畫展呢？哈哈！
之前做Kumon Workbooks同塗色入門所要油嘅公仔都係比較細，範圍唔大，所以Ambrose都好似油得比較好，起碼佢會慢慢油左外框至油中間，咁就少d出界！但呢本寶寶快樂塗色size細過A4 size少少，成個公仔都要自己油顏色，範圍都幾大，所以見Ambrose一落筆就起勢狂掃，就係咁，好多時都出哂界！唉！
一本有成十幾個公仔要油嘅顏色書，Ambrose一晚要油哂！咁就KO左一本喇！
似乎要搵d顏色書，size唔好太大，但要油嘅公仔又要簡單線條，好似都幾難搵咁！
沒有留言:
張貼留言