黃金海岸遊艇展覽會

因為有免費飛嘅關係，諗住Ambrose一定對船有興趣，所以就去左！不過今日超勁熱，而且好曬，曬到眼都打唔開，真係攞命！原本以為响船排度睇船，點知d遊艇一隻隻擺哂上岸度展覽，好似車展咁，係賣嘅，一般人家都唔會買，所以無咩人，想行埋去影張相，都覺得有少少突兀！

 

會場入面有兩個吹氣彈床，小朋友見到就當然開心啦，都叫做不枉此行嘅。不過玩彈床係要收錢嘅，$10十分鐘，一場黎到，點都要玩啦，況且真係無咩人，都唔係好怕人多易撞嘅問題。其實工作人員都無真係睇住時間計數，可能實在太無人嘅關係，佢地都費時趕客攪到個場重冷清啦，所以基本上，俾左$10，都任玩咁濟！不過，真係曬得好緊要，個太陽正正就曬住兩個彈床，小朋友有得玩就唔會理，大人响側邊睇住等住真係變人乾，d皮膚真係曬到好痛。結果，大人都未出聲，大表姐已經走左出黎話好曬呀，唔玩喇，前後玩左都只係十分鐘，證明真係好難頂！