夾子@Jusco Living Plaza

今日收工去左Jusco Living Plaza兜個圈，竟然俾媽咪見到一set小夾子加小匙同小平刀，其實媽咪之前都已經買過唔少夾子，不過買極都唔係話最啱心水，今晚見到呢set入面嘅夾子，覺得size真係啱啱好！不過其實已經好耐無同Ambrose玩夾子喇，小肌肉訓練全面停哂，夾又買左好多隻，真係十五十六買唔買呢隻好，驚買左唔玩又浪費左！

 

不過，媽咪見難得有啱心水嘅夾子，都係$12啫，算罷啦！小匙太細真係諗唔到有咩好用，睇黎都係得個擺字，好彩小平刀其實係用黎搽牛油果醬嘅，都有機會俾Ambrose用，無咁浪費啦！至於個夾子，諗住俾Ambrose夾豆用，要佢將撈勻左嘅豆用夾分番開，訓練佢手指仔嘅力！要再諗吓重有咩可以玩至得！