數與量概念

呢本“數與量概念”買左好一段時間，$100八本任揀，係超平嘅workbook。有見之前媽咪實在太懶，成日同Ambrose做功課都只係做油顏色workbook，所以都係的起心肝摷吓有咩workbook啱Ambrose而家做啦，唔摷出黎就成日都係買完放响度，浪費左！

 

啱啱早兩日至摷出黎，星期六Ambrose病住都話要做功課，所以二話不說，同佢做呢本，一做又係十幾頁！呢本workbook，好多已經都啱Ambrose做，主要係少大小、高矮、長短，估唔到媽咪完全無教過，Ambrose返學唔覺唔覺已經學識左！最出奇嘅係佢竟然都識分濶同窄，真係好神奇呀！

 

呢本數與量概念入面有分高矮長短排1-5，不過媽咪覺得要分5種長度／高度對於Ambrose黎講都應該難，而且佢都未識寫字，所以跳開哂呢d頁數唔做住！$12.5一本嘅workbook，有咁嘅內容質數，真係唔錯！