夏天又黎喇，下下著波鞋好鬼焗，加上諗住方便d落街，媽咪打算買對方便涼鞋俾Ambrose。其實cros應該最方便，不過爹爹唔鍾意，因為樣唔靚，耐唔時都有小朋友夾鞋嘅意外。搭自動樓梯小心夾腳個告示，都係整左呢款鞋果樣出黎，證明呢款鞋出事率都應該幾高。上年曾經買過運動牌子嘅魔術貼涼鞋，係好方便，但可能太運動型，個底係膠嘅，著耐左就發覺會著嗅腳，掉都掉唔切。最終媽咪買左兩對類似Birkenstock款式嘅涼鞋／方便鞋，一來滿足媽咪自己鍾意，二來感覺上好似呢d鞋健康少少咁，最重要係無著嗅腳。
早排攞返其中一對涼鞋俾Ambrose著落街，見長度啱就行落樓喇！點知佢行兩步話唔舒服要返屋企換鞋，媽咪諗，可能佢腳板太濶喇，對鞋包唔哂，哈哈！所以上年果兩對，尤其是包頭果對，今年都應該唔可以著喇！真係唔多捨得，想再買返差唔多都已經搵唔到！媽咪真係好鍾意呢對麵包鞋！唉！
今日上完芭蕾舞同Ambrose去睇鞋，原本屬意涼鞋有三個扣連後帶款，點知Ambrose唔鍾意，係都要揀夾腳趾款，check左一輪碼，其實都無咁細，勉強搵到對27碼嘅，以為唔啱，但Ambrose似乎好鍾意好想試咁，所以就俾佢試左等佢心息，點知望落又啱喎！長度係長左少少，不過如果剛剛好，相信佢又唔多鍾意架喇！媽咪都唔知好唔好買啦，事關夾腳趾佢自己唔係好識分開腳趾著，最後都係要媽咪幫手，咁咪即係唔多方便囉！但Ambrose一著左對鞋就跑左去，睇佢個款真係認真鍾意對鞋，媽咪唯有叫佢行幾個圈黎睇吓有無唔識行同埋行唔到嘅情況，又無喎！咁唯有買俾佢啦！
肥到對腳嘅邊都就黎突出黎喇!
好鍾意呢對鞋,Ambrose都係 ,所以著到勁殘!而家唔啱著要退役喇!
沒有留言:
張貼留言