治療Ambrose蚊咬期間，就係用呢隻防水膠布，因為始終有傷口，有少少滲血水，唔想Ambrose容易抓到傷口，咁就一定要貼膠布。一般膠布唔係密封，有時抓多兩抓好易抓到傷口，呢隻全密封，緊貼皮膚，媽咪要搣走佢都要花少少時間，Ambrose當然抓唔甩啦！爹爹之前用過，真係勁防水，佢對手長期都易爆開，所以有時都會用呢隻防水膠布貼左先做家務。所以，貼住呢隻膠布，感覺都好安全，唯一都係唔可以連貼幾日膠布，因為Ambrose皮膚都幾易敏感。
本來買開呢隻嘅全透明版，早兩日見到有pooh pooh版同公主版，買左盒pooh pooh版返去，Ambrose又勁鍾意，係唔係都話要貼膠布！媽咪已經同佢講話要傷得嚴重至要貼呢隻膠布，如果唔係就搽膏膏就得，點知佢真係摷勻全身，度度都話受傷，又話呢度好嚴重，果度好嚴重，其實果d已經係好快哂得番個印响度嘅蚊癩，真係俾佢笑死！
沒有留言:
張貼留言