今日返到中心發覺無人咁濟，真係好出奇！唔通cancel左媽咪唔知？！好彩換緊褲果陣就見到老師返左黎，咁都放心少少！
夠鐘上堂都只係得三幾個小朋友，媽咪諗起二表姐學校有活動，唔通個個都係同一間學校，所以黎唔到？原來老師話其他小朋友到四歲又想考皇家芭蕾舞試已經升左班調走左。今堂連埋Ambrose只有四個小朋友，都係好事，佢地咁細，太大 班 老師都未必處理到！
呢排成日問Ambrose鍾意返咩興趣班，佢都話跳舞，有時一起身，就問媽咪係咪去跳舞，好似好熱愛咁！媽咪一直以為佢比較鍾意畫畫，但當認真咁問佢跳舞定畫畫好時，佢都一定答跳舞！再問佢如果只可以學一樣，佢都寧願放棄畫畫！
本來打算學跳舞時就試左一間跳舞學校，係正統芭蕾舞學校，但學費同跳舞衫都好貴，怕Ambrose無興趣又三分鐘熱度，所以至揀左而家呢度平平地學住先，試吓佢有無興趣。而家Ambrose對跳舞好似真係有興趣，媽咪諗緊係咪應該俾佢去番之前果間較正統嘅學校繼續學呢？因為聽朋友媽咪講果間學校大概九月就招募學生做小演員，加入左之後其實不定時會有表演同比賽機會，媽咪當初就係因為咁先至俾Ambrose學跳舞，所以如果Ambrose有興趣，同埋時間上黎睇，呢度上埋六月，九月前過定新學校會好d！問題係，唔知Ambrose對跳舞真係有興趣，定係其實佢只係鍾意而家呢個跳舞老師！
好懊惱！
沒有留言:
張貼留言