Ambrose被拒絕

小朋友真係好奇怪，一時可以糖痴豆，一時又可以水溝油，兩者可能只係相隔唔夠一分鐘都得！

 

有時有d野真係物以類聚咁，細細個嘅Ambrose已經好鍾意同大表姐一齊，大表姐又好鍾意佢，兩個人玩埋一齊好投契，好鬼似！相反，佢兩個同二表姐硬係唔太玩得埋，真係唔明點解！

 

但有d時間，大表姐又唔鍾意同Ambrose玩架喎，好似尋日去會所玩，媽咪行慢左幾步去睇住佢地，就已經聽到Ambrose喊聲，行入去睇就見大表姐入左間玩具屋度玩，但就推開Ambrose唔同佢玩，可憐Ambrose一心好想同大表姐玩，所以跟埋入去，咁就俾大表姐係咁推開又大喝佢唔同佢玩！見到Ambrose咁樣被拒絕，其實都唔係第一次，不過每次都好心痛！一番好意咁樣被拒絕，真係好傷心，Ambrose不斷問媽咪點解大表姐話唔同佢玩，媽咪都唔知點答佢，一唔一齊玩其實係好個人嘅野，無得勉強，但Ambrose又點會明白丫，唯有俾佢喊宣洩吓啦！

 

將來，Ambrose必定會不斷遇到類似嘅情況，希望佢能夠痛過後仍然笑住向前行！