上個月成個月因為有公眾假期，又請左一日假去旅行，所以四月只係上左一堂芭蕾舞堂。有時Ambrose都會問媽咪，今日係咪去跳舞，哈哈，原來佢都幾鍾意跳舞架喎！今個月正常返啦，今日，終於去上堂喇！Ambrose又係咁問住二表姐响邊，似乎好期待咁！
以為又會跳何家公雞何家猜，但今堂已經轉左賣花姑娘喇！不過好似唔係賣花，係賣士多卑梨，哈哈，媽咪响門口偷聽到！
今堂都唔知做咩，係咪呢期嘅第一堂呢，落堂時個個都手揸一枝波板糖，Ambrose勁心急一定要開黎食，但枝波板糖對於佢黎講好大囉，平時都唔會點俾糖Ambrose食，呢枝波板糖真係大得離譜。媽咪係咁諗辦法點擺平佢呢？好似上次咁咬淨俾佢嘅話，可能又喊過架麻！同埋咬極其實都唔會太細粒囉！諗吓諗吓，醒起朝早起身Ambrose講核突野，媽咪講左會罸佢無糖食（其實原意係無醫生果度買嘅維他命糖），於是同Ambrose講無得食，因為佢講左核突野。好彩Ambrose只係重複問多次點解，之後又好順攤無扭糖食，well done！
其實老師真係唔應該派糖囉！
沒有留言:
張貼留言