今晚同Ambrose試玩Numbers Matching，基本上，佢見到d貼紙就已經自動波去搣搣貼貼，不過佢就完全唔理個遊戲規則，係咁亂貼！媽咪要大聲數俾Ambrose聽，貼左幾多個，爭幾多個，失卻左呢個遊戲嘅原意啦，媽咪原本諗住Ambrose見數字或聽數字就自己動手去貼！另外，Ambrose亂貼到會貼貼吓呢格，都未貼夠數，佢就貼左落下一格，又有時佢會貼番去上一格，真係俾佢激死！
好明顯，Ambrose重未認到數字啦！頭幾格即1-3都尚可，不過之後果d就越來越亂，到最後佢都唔理咁多，務求貼哂手上張貼紙就算！似乎，下次媽咪應該集中玩1-5先！同埋應該一個數字一張會好d，費時佢成鬼日睇錯上下格亂咁貼！
沒有留言:
張貼留言