Alfresco Anti Bug Bite Mositurizer

經歷過Ambrose俾蚊咬完足足攪左成個月都唔好嘅苦難日子，媽咪決意要搵D有效防蚊產品俾Ambrose用至得，唔係真係煩死肉痛死媽咪喇！

 

上網見Alfresco嘅Anti Bug Bite Mositurizer好多媽咪讚好，成份天然，有效防蚊，而且佢其實係moisturizer，可補濕，一物兩用，但價錢好貴！雖然貴，但好多媽咪話好，媽咪當然想試啦！所以早兩日去買左枝細枝裝試住先！

 

尋日，爹爹又同Ambrose落公園踩單車，媽咪落order要搽左呢隻moisturizer先好落去，爹爹照做，重要幫Ambrose著長褲先敢落去玩！由於爹爹實在太擔心Ambrose又再中招，而且好難咁熱同Ambrose著埋長袖衫玩，所以爹爹另外又同佢貼埋蚊貼响Ambrose衫上面，而爹爹自己咩都無搽無貼，就咁陪Ambrose玩！

 

結果，爹爹又係例牌一身都係蚊癩，而Ambrose好好彩一粒都無！安全過渡！不過真係唔知究竟係隻moisturizer得定係蚊貼得，但個公園係被好多樹圍住，平時勁多蚊同細細粒果d蠓，爹爹媽咪見今次咁都無事，下次都會雙管齊下架喇，搏唔過，做多好過做少！

 

By the way，呢隻moisturizer隻味都幾好聞，而且質地幾薄，好好推開又唔立，就算真係唔work，佢應該都係唔錯嘅moisturizer黎嘅！等媽咪試多幾次，真係好嘅話，會上網直接响英國訂番黎，平d！