今日上完幼潛後，入左沙田探呀儀初生嘅bb。Ambrose無瞓覺，去到見到有猫猫，又驚又想睇同摸，好攪笑！好快地，Ambrose已經唔怕陌生，見猫猫入左房，又知我唔敢行入去，竟然拖屋主，要人地同佢一齊入房睇猫，真係服左佢！
陸續其他朋友都黎到，見到呀茵個b女，Ambrose似乎都不大熱衷，都係繼續搵猫玩，同大人玩。Ambrose今日超開心呀，除左玩猫之外，重有個大波波，佢一路掉一路咯咯笑，面對咁多人都無有怕，一心一意玩玩玩，小朋友真係無憂無慮，一個波都可以玩足幾個鍾，笑到要抖大氣，哈哈！
希望呀茵同呀儀兩個b都快d大，到時聚會有小朋友同佢一齊玩，諗起都開心呀！
沒有留言:
張貼留言