今日爹爹放假，忽發奇想要接大表姐放學黎屋企同Ambrose玩！一個人湊兩個小朋友，諗起頭都大埋！不過原來大表姐實在太乖喇，幫到呢個舅父手睇實Ambrose，又同佢玩，令到爹爹話今日雖然湊兩個小朋友，但其實比佢平時只湊住A mbrose輕鬆！重可以有時間做少少家務，睇黎呢兩表姐弟感情真係唔錯，無話爭野玩唔埋，希望佢地大個左都重可以keep到啦！
今晚去良景食飯，接埋二表姐去，三個小朋友又可以一齊玩喇！今晚我地大人食飯，三個小朋友自己坐張細台仔一齊食，好得意呀！Ambrose自己“畢”野食都係麻麻地，不過勝在鍾意食野，所以都可以keep到自己食野一陣，食到咁上下佢可能都無咩耐性，直接用手攞黎食，之後重特登“畢”d飯擺上台搓黎搓去，真係頂佢唔住呀！無辦法之下唯有出絕招，就係剪碎d野食俾佢用牙簽慢慢篤黎食，就係咁，兩個表姐都已經走哂去玩唔食野，Ambrose仍然坐左响度慢慢篤佢嘅人間美食，嘩哈哈！
今日發現，原來Ambrose都開始同二表姐可以玩得黎喎！
沒有留言:
張貼留言