今日收到新一代英文幼稚園嘅offer letter喇！收左Ambrose上午班，留位費係$550，由於重有一間亦係最後一間心儀幼稚園要到五月先有面試，為左安全計，呢$550係唔慳得嘅！
未面試前都諗緊唔知難唔難入呢間學校，因為始終區內英文幼稚園得兩間，呢間係其中一間，重要係平d果間，我報嘅又係熱門嘅上午班，所以未面試前都有d擔心。面試完都有少少信心，唯一係驚Ambrose八月出世，對佢地八月開學黎講，佢已經係細仔，我驚佢地上午班會fill哂人入唔到，所以今日收到信有offer，真係好開心！而從朋友得知，另一個0908小朋友同我地同一日面試，佢只係入左waiting，先覺得原來自己都算好彩囉，真係會唔收架！
多謝回覆呀~ 其實我都好煩呀~ 新一代/加州問朋友又話讀完屯門無小學接到~ 要出去九龍讀英文學校/國際學校?
回覆刪除如果讀屯門d小學就要讀普通幼稚園~ 但我又唔想佢讀得咁辛苦~ 聽講而家d幼稚園每日有2-3樣功課~ 仲話要考試??
同埋話蒙特梭利教學係好d? 我知呢兩間都係~ 其實...你心目中有無邊幾間幼稚園覺得ok架? 可以比我參考下嗎? 唔該你呀^^
[版主回覆11/14/2011 11:18:40]咁又未至於一定要出九龍讀囉我覺得....俾小朋友讀英普幼稚園都係想俾多d語言環境佢..打好個底...即使上返普通幼稚園都無問題架...問題只係呢兩間無學卷,如果俾左幾年學費先至再上普通小學,你又點睇啫...會唔會覺得其他幼稚園上普通小學都一樣...但平好多....又或者會唔會覺得讀完幾年呢d英普幼稚園根本唔想退而讀番普通小學..因為可能你已經睇唔上果d小學.....問題係你點睇...幼稚園功課我無研究有幾多,...應該都有限嘅....蒙特梳利係幾好...train到小朋友獨立自學,不過唔同人又有唔同睇法..覺得蒙特梳利小朋友會自我一點...唔同人玩...真係睇法因人而異....不過以我所知...屯門就只有三聖救世軍先係蒙特梳利喎...新一代同sunkids唔係....我心目中其實都無咩邊間係好啱心水喎,起碼未有一間係自己超鍾意要非入不可,暫時都係報左幾間有學卷嘅作後備...不過我係大包圍...見有人話好先報嘅..有梁李秀如,高德根,兩間st peter..保良局易桂芳,保良局田家炳....