2011年3月3日

Ambrose應該係二月時就要打五合一同埋水痘針，不過由於佢年初五開始睇醫生食藥都無停過，打針一拖再拖。見佢都係有少少咳未清，一日都係咳果幾聲，今日終於都叫爹爹同佢快d去打埋針，可以快d再約期返健康院做評估。

根據爹爹描述，Ambrose打第一針時都無反應，好勁！打第二針時打得耐d，Ambrose有喊幾聲，不過都係俾提子乾收服左，哈哈！今次打針係自Ambrose出世以來我第一次無同佢一齊去，所以事後都忍唔住不斷問爹爹當時嘅情形。估唔到Ambrose都貫徹佢一向唔多太怕痛嘅style，一係唔喊，一係都只不過一陣就收聲，叻叻！

今日爹爹行程緊密，除左要同Ambrose打針，重要同佢去影證件相，再去中旅社做回鄉證，Ambrose嘅回鄉證3月18日有得攞喇！我地決定3月26、27日同Ambrose去長隆睇馬戲睇動物，時間啱啱好！