Shining Garden –Little Learner (第四堂)

今日Ambrose上堂又有跟住weather song做動作，原來佢上次唔係撞手神，而係真係識喇！Teacher Ruby重要係全程望實佢一齊唱呢首歌，佢都好開心咁！再望吓其他小朋友，原來佢地有d係無咩反應，有d都有跟，但係都無Ambrose咁落力，哈哈！

今堂主題係transportation，生字有sky / airplane / road / car / bus / ocean /sea / boat / sailboat。一貫都係要小朋友試講個字再俾咭咭，之後要佢地放番入相應嘅袋度，即car / bus去road，airplane去air，boat去sea！然後又係mix埋一齊自由取一樣野行埋去自由放入相應嘅袋。Ambrose今日對車車有少少反應，都有埋去台面攞我再推佢行埋去入袋，不過好明顯佢都好似未係好熟習呢個遊戲，都係呆瓜一隻！呵呵！

放左學同Ambrose返婆婆家食飯，再返自己屋企。因為今日又係自己一個人湊，唯有自己同Ambrose白白豬，上次倒左佢落地嘅陰影都未除去，而家重不時發夢夢見Ambrose跌左入個馬桶度，好恐怖，所以其實自己一個人真係唔想同佢白白豬，個心都重好寒咁！不過無法啦，唔沖涼又唔得架麻，最後都安全無事發生！我重叫Ambrose等埋我，好火速咁自己都沖埋涼，可以同Ambrose一齊覺覺豬，呵呵！